თიხის წარმოშობა

თიხა წარმოადგენს სხვადასხვა მინერალისაგან შემდგარ მთის ქანს, რომელიც წარმოიშობა ბუნებრივი სილიკატების მინდვრის შპატიანი მთის ქანების დაშლით ხანგრძლივი დროის განმავლობაში ატმოსფერული მოვლენების ზეგავლენით ( წვიმა, ქარი, მაღალი და დაბალი ტემპერატურა, ატმოსფერული წნევა და სხვა). თუ დაშლის შედეგად მიღებულ ქანში ჭარბი რაოდენობით არის მინერალი კაოლინიტი, მაშინ ეს ქანი არის თ ი ხ ა.
საქართველო მდიდარია თიხის საბადოებით. თითქმის ყველა კუთხეში მოიპოვება სხვადასხვა სახეობის, შეფერილობისა და პლასტიურობის თიხა.

თიხა წარმოშობილია ვულკანური მთის ქანების (გრანიტი, სიენიტი და სხვა) გამოფიტვის შემდეგ.
გ ა მ ო ფ ი ტ ვ ა შ ი იგულისხმება სხვადასხვა ატმოსფერული ფაქტორები ( წვიმა, თოვლი, მზე, ქარი და სხვა ), რომლებიც ქმნიან ბზარებს მთის ქანებში და შემდგომ დროთა განმავლობაში მთლიანად შლიან და აქუცმაცებენ, მტვრად აქცევენ მას.
ამის შემდეგ თუ თიხა განიცდის გადაადგილებას, მდინარის, წვიმის ან ქარის ზემოქმედებით შეიძლება მას სხვა ნივთიერებებიც შეერიოს, რაც იწვევს თიხის თავისებურად გაჭუჭყიანებას
( მეორადი თიხები ).
თუ დანალექი თიხა რჩება ადგილზე, იგი უფრო სუფთაა
( პირველადი თიხები ) და მისგან გაკეთებული პროდუქციაც შედარებით მაღალხარისხოვანია.